Co2 mask相信大家都唔會陌生，今日就要介紹Skinkey既CO2碳酸護理套裝。

我個人好鐘情用CO2 mask，因為係整既過程好療癒，睇住佢出泡泡，心情暗爽🤤🤤除左因為呢個無聊既原因，當然佢有真正既用途啦~~就係呢個起泡既過程，佢會從你既毛孔帶走污穢野，同平時可能卸得唔乾淨既化妝品。

Skinkey呢款CO2 mask除左清潔你既毛孔之外，仲可以抑炎抗敏降紅，為你既皮膚補濕，注氧美白，改善你皮膚膚色。

首先，將泡泡mask搽上塊面，(我大概一包可以用到2次)，之後等大概5分鐘左右等佢出泡，如果你皮膚比較污穢，可以再打轉推開佢，等佢再出多一次泡，之後就可以用水沖左去。

除左包泡泡mask ，入面仲有精華架，當你做完療程之後，就搽返精華，等皮膚快速可以吸收水分，回復光滑細膩美肌。